Nëse programi juaj i stërvitjes nuk po jep rezultatet që dëshironi, përmirësimi i dietës tuaj ushqimore është çelësi i suksesit. Shumë njerëz përpiqen të konsumojnë proteina dhe karbohidrate komplekse, por harrojnë që perimet janë një element shumë i rëndësishëm për shtimin e masës muskulare. Perimet kanë një efekt indirekt por thelbësor në ndërtimin e muskujve. Për më tepër, ato janë të pasura me nutrientë! Për ju që po mendoni se si mund të përmirësoni regjimin tuaj ushqimor, po ju listojmë 8 arsye përse duhet të konsumoni më shumë perime për të shtuar masë muskulore më shpejt.
Si funksionon rritja e masës muskulare?
Rritja e masës muskulore arrihet përmes stërvitjes dhe konsumimit të dietës së duhur ushqimore. Gjatë stërvitjes, muskujt kalojnë në hipertrofi. Hipertrofia ndodh kur fibrat e muskujve “dëmtohen” dhe pësojnë disa të çara mikroskopike. Më pas, këto të çara rikuperohen nga trupi i cili konsumon energji dhe përdor aminoacide. Për rrjedhojë sasia dhe masa muskulore rritet. Pra, rritja e muskujve realisht ndodh gjatë fazës së rikuperimit. Ndaj, është tepër e rëndësishme që stërvitja të shoqërohet me ushqimin e duhur. Nëse nuk konsumoni kalori të mjaftueshme dhe ushqime të pasura me nutrientët e duhur, trupi nuk mund të rikuperohet plotësisht.
Përse duhet të konsumojmë më shumë perime?
Perimet ofrojnë një burim të pasur të vitaminave, mineraleve dhe fibrave, të cilat janë thelbësore për funksionimin e duhur të organizmit. Përveç kësaj, perimet ofrojnë edhe një burim të mirë të antioksidantëve që ndihmojnë në mbrojtjen e qelizave nga dëmtimet oksidative. Konsumimi i një game të gjerë perimesh përmirëson sistemin tretës, duke ndihmuar në absorbimin e nutrientëve të nevojshme për rritjen e masës muskulare. Përpos përfitimeve për shëndetin, perimet i shtojnë shije dhe aromë gatimeve tuaja. Prandaj, përfshirja e perimeve në dietën tuaj është një zgjedhje e shkëlqyeshme nëse synoni të përmirësoni shëndetin dhe të ndërtoni masë muskulare në mënyrë të qëndrueshme.
Si ju ndihmojnë perimet të shtoni masën muskulore?
Perimet janë të pasura me fibra
Fibrat, një nga nutrientët më të rëndësishëm por shpesh të neglizhuar, gjenden me shumicë tek perimet. Edhe pse pa kalori, fibrat janë të dobishme pasi ndihmojnë në procesin e tretjes. Së pari, ato bëjnë të mundur që karbohidratet të zbërthehen më ngadalë, gjë që ndihmon në kontrollin e nivelit të sheqerit dhe kortisolit. Së dyti, fibrat ndihmojnë në përthithjen e aminoacideve, gjë që maksimizon efektin e konsumimit të proteinave.
Perimet janë të pasura me minerale dhe vitamina
Disa mendojnë se duke pirë një kokërr me multivitamina mund të plotësojnë nevojat e tyre. Megjithatë, asgjë nuk krahasohet me konsumimin e ushqimeve të freskëta. Perimet përmbajnë elemente të cilat ndihmojnë në përthithjen e vitaminave dhe mineraleve që gjenden jo vetëm tek to, por edhe tek ushqime të tjera si mishi, drithërat, etj. Një plan ushqimor efektiv nuk fokusohet vetëm tek kaloritë, por merr në konsideratë edhe aspekte të tjera në dukje dytësore. Konsumimi i i një diete të pasur me vitamina dhe minerale është një nga këto aspekte.
Perimet jeshile ndihmojnë në formimin e muskujve
Perimet jeshile si spinaqi janë të pasura me nitrate si oksidi nitrik, i cili është përgjegjës për ate “fryrjen” perfekte të muskujve pas stërvitjes. Për më tepër ushqime si spinaqi apo rrepa përmbajnë nutrientë të tjerë si betaina, një ingredient i zakonshëm në pijet të cilat konsumohen para stërvitjes i cili rrit energjinë, volumin e stërvitjes dhe përmirëson kompozicionin trupor. Po ashtu, konsumimi i rregullt i këtyre ushqimeve jeshile ndihmon në qarkullimin e gjakut dhe për rrjedhojë nxit rikuperimin e muskujve pas ushtrimeve fizike.
Perimet suportojnë nivelet e testosteronit
Një nga përfitimet kryesorë të perimeve si brokoli, lulelakra, lakra, etj. është fakti që këto ushqime përmbajnë një përbërës të quajtur indole-3-carbinol. Ky përbërës përpunohet nga organizmi dhe shndërrohet në një tjetër përbërës të quajtur DIM. DIM është tepër i dobishëm pasi promovon një balancë të shëndetshme midis niveleve të testosteronit dhe estrogjenit, duke shpërbërë llojet e dëmshme të estrogjenit. Kështu, DIM jo vetëm që ju mbron nga zhvillimi i kancerit, por ul po ashtu nivelin e fryrjes nga uji, nivelin e yndyrnave në trup dhe nxit rritjen e masës muskulore, energjisë dhe forcës.
Perimet ndihmojnë me forcimin e imunitetit
Studimet tregojnë se perimet janë të pasura me një sërë përbërësish si likopen, antioksidantë, carotenoide, përbërës sulfuri, etj., të cilët kontribuojnë në realizimin e një sërë funksionesh metabolike të cilat suportojnë sistemin imunitar. Në mënyrë që muskujt të rikuperohen shpejt dhe plotësisht pas kryerjes së aktivitetit fizik, ju nevojitet të keni një sistem imunitar të fortë. Nëse sistemi juaj imunitar është i dobët, do ta keni të vështirë të rrisni masën muskulore pavarësisht sasisë së kalorive ekstra që konsumoni,
Perimet ju ndihmojnë të krijoni një trup të tonifikuar
Shumë plane ushqimore synojnë të ulin numrin e kalorive që ju konsumoni duke ju mundësuar njëkohësisht sasinë e duhur të tyre për shtimin e masës muskulore. Perimet janë ushqimi ideal që ju ndihmon të arrini këtë gjë. Duke qenë se janë ushqime me pak kalori, perimet ju ndihmojnë të kontrolloni urinë për një kohë më të gjatë. Nga ana tjetër, ato janë të pasura me vitamina, minerale dhe aminoacide të cilat ju ndihmojnë të shfrytëzoni në maksimum sasinë e proteinave që keni konsumuar. Në tërësi, duke shtuar perime në dietën tuaj ju mund të hiqni dhjamin e tepërt duke ruajtur dhe shtuar gradualisht masën muskulore, për një trup të tonifikuar dhe të shëndetshëm.
Perimet kanë proteina gjithashtu
Disa njerëz mendojnë se proteinat gjenden vetëm tek produktet shtazore, mirëpo ata harrojnë se shumë perime kanë përbërje proteine gjithashtu! Edhe pse mund të mos jetë një përbërje aq e lartë sa ajo e mishit apo vezëve, proteina mbetet proteinë. Nëse po përpiqeni të rrisni sasinë e proteinave që konsumoni, shtimi i perimeve në dietën tuaj është një nga mënyrat më të lehta (dhe të shijshme) për të arrirë këtë gjë.
Perimet ju ndihmojnë të krijoni një dietë më të shijshme
Kur përgatiten siç duhet, perimet ju ofrojnë një shumëllojshmëri shijesh! Nëse kombinoni varietete të ndryshme perimesh në dietën tuaj, jo vetëm që do të arrini të konsumoni të gjitha kaloritë ditore të nevojshme, por do t’i shijoni ato! Sallata, pjata dytësore për gatimet me mish, tava të ndryshme apo lëngje plot vitamina. Perimet i japin një aromë, shije dhe ngjyrë fantastike çdo vakti. Me recetat e duhura, do të kuptoni se perimet kanë qenë gjithmonë kaq të shijshme!
Megjithatë, përgatitja e vakteve të balancuara me perimet e duhura mund të jetë e lodhshme. Me rutinën ditore, punën, stërvitjen dhe gjithçka tjetër, shumë njerëz e kanë të vështirë të gjejnë kohën e duhur për të gatuar. FitFood e zgjidh këtë problem për ju!
Cilat janë perimet më të mira për të shtuar masë muskulore?
Brokoli dhe Lakra e Brukselit
Perimet krucifere jo vetëm që janë të pasura me fibra, por gjithashtu përmbajnë një sasi të lartë vitaminash, duke përfshirë vitaminën C dhe K. Brokoli ju siguron një sasi të konsiderueshme proteinash për shume pak kalori. Lakrat e Brukselit, të njohura për vlerat e tyre nutricionale që luftojnë kancerin, ofrojnë një kombinim të fibrave dhe proteinave thelbësore për rritjen e muskujve.
Zarzavate si spinaqi dhe lakra
Zarzavatet janë një produkt ushqyes që duhet të jetë një element kryesor në çdo dietë për ndërtimin e muskujve. Spinaqi, i mbushur me hekur dhe vitamina A dhe C, ndihmon në transportin e oksigjenit dhe suporton imunitetin. Lakra jeshile, është një burim i shkëlqyer kalciumi, thelbësor për tkurrjen e muskujve. Ajo përmban antioksidantë që luftojnë inflamacionin, gjë që nxit një rikuperim më të shpejtë pas stërvitjes.
Patate të ëmbla dhe panxhar
Perimet me rrënjë ofrojnë karbohidrate komplekse, një burim jetik energjie për personat që kryejnë stërvitje intensive. Patatet e ëmbla janë të pasura me karbohidrate, fibra dhe beta-karoten, të cilat mbështesin funksionimin dhe rikuperimin e muskujve. Panxhari, me nitratet e tij natyrale, përmirëson qarkullimin e gjakut, duke nxitur shpërndarjen më të mirë të lëndëve ushqyese në muskuj dhe duke reduktuar lodhjen gjatë stërvitjes.
Bishtajoret e mbushura me proteina: Thjerrëzat dhe qiqrat
Bishtajoret nuk janë vetëm një burim fantastik i proteinave me bazë bimore, por gjithashtu ju furnizojnë me një shumëllojshmëri lëndësh ushqyese. Thjerrëzat, të pasura me proteina, hekur dhe fibra, kontribuojnë në ruajtjen e nivele të qëndrueshme të energjisë dhe riparimin e muskujve. Qiqrat gjithashtu përmbajnë një përzierje proteinash, karbohidratesh dhe fibrash, elemente ideale për një dietë për ndërtimin e muskujve.
Specat
Specat janë një mënyrë fantastike për të rritur konsumin tuaj të produkteve me vitaminë C. Vitamina C luan një rol vendimtar në sintezën e kolagjenit, gjë që shërben për mbështetjen e shëndetit të tendinave dhe ligamenteve. Për më tepër, ato kanë një përmbajtje të lartë të antioksidantëve, të cilët ndihmojnë në reduktimin e stresit oksidativ dhe inflamacionit të shkaktuar nga ushtrimet fizike.
Hudhra dhe qepë
Përtej shijesh dhe aromës që i japin çdo gatimi, hudhra dhe qepa ofrojnë disa përfitime unike shëndetësore. Hudhra përmban alicinë, e cila ka veti anti-inflamatore dhe mund të ndihmojë në uljen e dhimbjes së muskujve. Nga ana tjetër qepët kontribuojnë në përmirësimin e qëndrueshmërisë dhe performancës së përgjithshme atletike.
Avokado
Ndërsa shpesh vlerësohen për yndyrat e tyre të pangopura, avokadot janë gjithashtu një burim i vitaminave E dhe K. Yndyrnat e shëndetshme në avokado ofrojnë një burim të mirë kalorish, gjë që ju jep energji të mjaftueshme për seancat tuaja intensive të stërvitjes. Për më tepër, ato kontribuojnë në përthithjen e lëndëve ushqyese, duke ndihmuar në përdorimin e vitaminave të tretshme në yndyrë.
Domatet: Të pasura me kalium dhe antioksidantë
Domatet nuk janë vetëm një nuancë e shijshme për vaktet tuaja, por gjithashtu ofrojnë lëndë ushqyese tepër të rëndësishme. Të pasura me kalium, domatet ndihmojnë në tkurrjen e muskujve dhe ekuilibrin e elektroliteve, thelbësore për parandalimin e ngërçeve gjatë stërvitjeve. Përveç kësaj, ato përmbajnë antioksidantë si likopeni, i njohur për vetitë e tij anti-inflamatore.
Asparagus: Diuretik natyral për ekuilibrin e ujit
Asparagu vepron si një diuretik natyral, i cili ndihmon në balancimin e mbajtjes së ujit në trup. I pasur me vitamina A, C dhe K, asparagu kontribuon në një sistem të shëndetshëm imunitar dhe mbështet funksionin e muskujve. Përmbajtja e lartë e fibrave ndihmon tretjen, duke promovuar thithjen e lëndëve ushqyese dhe shëndetin e përgjithshëm të zorrëve.
Karotat: Beta-karoten për mbështetjen e imunitetit
Karotat, me ngjyrën e tyre të gjallë portokalli, janë një produkt me përmbajtje të lartë të beta-karotenit. Trupi konverton beta-karotenin në vitaminë A, e cila luan një rol vendimtar në funksionimin e sistemit imunitar. Përveç kësaj, karotat ofrojnë një sasi të moderuar të karbohidrateve, duke kontribuar në nivelet e energjisë dhe duke mbështetur rezervat e glikogjenit për stërvitje intensive.
Patëllxhani: Kaliumi për shëndetin e zemrës
Patëllxhani është një produkt fantastik që i jep një shije dhe cilësi unike pjatave. Përtej shijes, patëllxhani përmban kalium, thelbësor për shëndetin e zemrës dhe tkurrjen e muskujve. Përveç kësaj, ai ka përbajtje të nasunit, një antioksidant që gjendet në lëkurën e patëllxhanit, i cili është i lidhur me mbrojtjen e membranave qelizore nga dëmtimi.
Bizele: Proteina me bazë bimore dhe kombinim fibrash
Bizelet ofrojnë një kombinim të proteinave dhe fibrave. Përmbajtja e proteinave mbështet riparimin dhe rritjen e muskujve, ndërsa fibrat ndihmojnë tretjen. Bizelet gjithashtu ofrojnë një sërë vitaminash dhe mineralesh, duke kontribuar në arritjen e një ekuilibri të përgjithshëm ushqyes.
Si të përfshini më shumë perime në dietën tuaj?
Konsumoni një paketë ushqimore për shtim peshe
Nëse dëshironi të konsumoni më shumë ushqime në përgjithësi dhe perime në veçanti, ndiqni një regjim ushqimor të pasur me produkte mesdhetare. Ne ju ofrojmë Dietën Lifestyle, një paketë perfekte për të gjithë ata që dëshirojnë të rrisin masën muskulore, të shtojnë peshën e tyre apo ta mirëmbajnë atë. Nje menu e kuruar, ku karbohidratet vijnë nga orizi, pastat, patatet e furrës apo legumet, ndërsa proteinat nga filetoja e pulës, peshku apo mishi i viçit. Karakteristikë e dietave mesdhetare, Dieta Lifestyle ju ofron një shumëllojshmëri perimesh të përfshira në gatime si supa, sallatat, etj.
Krijoni një paketë të personalizuar për nevojat tuaja
Nëse keni preferenca apo nevoja tepër specifike për sa i përket dietës tuaj ushqimore, ne ju ofrojmë një paketë të personalizuar. Dieta Custom ju mundëson lirshmëri në përzgjedhjen e ushqimeve që dëshironi të konsumoni sipas ditëve dhe vakteve përkatëse. Ju mund të zgjidhni burimin kryesor të proteinave, karbohidrateve dhe perimeve sipas shijeve tuaja. Ne ju mundësojmë një shumëllojshmëri gatimesh të përgatitura me kujdes, ideale për krijimin e një diete të balancuar. Përzgjedhja specifike e vakteve është në dorën tuaj! Nëpërmjet website-it tonë ju mund të zgjidhni secilin vakt për çdo ditë në mënyrë që paketa juaj custom të jetë pikërisht ashtu siç e preferoni.
Konsumoni lëngje për detox
Ndiheni të fryrë? Keni kohë që konsumoni ushqime jo të shëndetshme dhe dëshironi t’i jepni organizmit tuaj një “restart”? Dieta Detox ju ofron një shumëllojshmëri lëngjesh të përgatitura me perime dhe fruta të freskëta. Kjo dietë është krijuar për t’ju plotësuar të gjitha nevojat tuaja kalorike për një kohëzgjatje 3 deri në 6 ditore. Kështu, Dieta Detox rifreskon sistemin tuaj tretës, ul inflamacionin dhe ju jep mundësinë të pastroni organizmin tuaj. Ne ju këshillojmë ndjekjen e Dietës Detox nëse po përpiqeni të transformoni regjimin tuaj ushqimor. Më pas, mund të vazhdoni me një plan si Dieta Lifestyle.
Përfundime
Është e qartë se shtimi i perimeve në dietën tuaj është një hap kyç drejt arritjes së objektivave tuaja për shtimin e masës muskulare. Perimet ofrojnë një kombinim të pasur të vitaminave, mineraleve, fibrave dhe antioksidantëve, duke përmirësuar funksionimin e përgjithshëm të organizmit. Jo vetëm që ndihmojnë në rritjen e masës muskulare, por gjithashtu kanë një ndikim tepër pozitiv në shëndetin tuaj të përgjithshëm, duke fuqizuar sistemin imunitar, rritur nivelin e testosteronit dhe përmirësuar tretjen e ushqimit. FitFood ju ndihmon në integrimin e perimeve në dietën tuaj duke ofruar paketa ushqimore të personalizuara. Na kontaktoni sot për t’i dhënë zgjidhje ushqyerjes tuaj, për një trup të fuqishëm dhe të shëndetshëm!
