Nuk diskutohet që frutat e perimet duhen konsumuar sa më tepër, por me apo pa lëkurë? Shumë njerëz ë largojnë për preferencë, zakon ose për të ulur sasinë e mikrobeve ndaj të cilave ekspozohen.
Por kujtoni:
– lëkurat kanë shumë nutrientë. Për shembull 1 mollë e plotë ka 332% më shumë vitamin K, 142% më shumë vitamin A, 115% më shume vitamin C dhe 20% më shumë kalcium se sa 1 mollë e qëruar. Përvec vitaminave e mineraleve, lëkura përmban më shumë fibra krahasuar më tulin e perimeve dhe frutave.
– lëkura ju mban të ngopur më gjatë. Meqënëse përmban fibra të larta, lekura jo vetëm do ju mbajë të ngopur më gjatë, por mund t’ju ndihmojë edhe në rënie peshe.
– ju ndihmon të luftoni sëmundje! Për shkak të sasisë të lartë të antioksidantëve, njihen dhe benefite në luftimin e inflamacionit ose patologjive të ndryshme.
Por mos harrojmë se ka edhe lëkura të pangrënshme si ajo e avocados, e bananes ose e portokallit, të cilat padiskutim që duhet t’i heqim. Sidoqoftë shumica e lëkurave janë të ngrënshme dhe kanë vlera pozitive në shëndet, ndaj frutat e perimet mund t’i lajmë mirë në ujë ose dhe me sodë buke dhe t’i konsumojmë të plota.