Dieta Të Shëndetshme Të Ndjekura Nga Vip-At Për Humbje Peshe

VIP-at dhe personalitetet e njohura shpesh përdorin programe të specializuara të ushqyerjes për të arritur dhe mbajtur një peshe të shëndetshme. Këto dieta të shëndetshme zakonisht përfshijnë një kombinim të ushqimeve të pasura me lëndë ushqyese, kontrollin e sasisë së porcioneve, dhe një angazhim të përhershëm ndaj aktivitetit fizik. 

Personazhe Të Famshëm Dhe Dietat E Tyre

Personazhet e famshëm si Kim Kardashian dhe Victoria Beckham kanë kuzhinierët dhe nutricionistët më të mirë në botë. Ne shpesh i shikojmë këta të famshëm si modele për shëndetin, duke ndjekur planet e tyre të fitnesit dhe duke adhuruar trupat e tyre, por cilat janë praktikat dhe dietat që ata ndjekin? Me poshtë do të përmendim disa nga dietat që ndjekin këta personazhe dhe si funksionojnë ato.

Dieta Atkins

Dieta Atkins është e ngjashme me dietën ketogjenike sepse të dyja theksojnë konsumin e yndyrës dhe proteinave, por kufizojnë rëndë burimin e preferuar të energjisë të trupit, karbohidratet.

Këto lloj dietash në thelb e detyrojnë trupin të kalojë nga djegia e karbohidrateve për energji në djegien e yndyrës. Kjo shpesh ka efektin e dëshirueshëm të humbjes së peshës, megjithëse nivelet e larta të ketoneve në trup mund të jenë problematike dhe mund të çojnë në një gjendje dytësore të njohur si ketoacidozë. Disa nga oersonazhet e famshëm që kanë ndjekur këtë dietë janë:

Kim Kardashian

Kim Kardashian humbi plot 32 kilogramë pas shtatzënisë së dytë duke ndjekur dietën Atkins. Sekreti i kësaj diete përfshin nxitjen e konsumit të yndyrës së shëndetshme dhe fibrave. Colette Heimoëits, dietologja personale e Kim-it, ka ndarë disa këshilla për ata që interesohen në këtë dietë. 

Ajo theksoi rëndësinë e konsumimit të proteinave, pasi ato mbajnë ndjenjën e ngopjes dhe kontrollojnë urinë. Në momentet kur vendosni të hani karbohidrate, Heimowits sugjeron të konsumoni ato me përmbajtje të lartë fibrash dhe të përfshini yndyra të shëndetshme në vakt. 

Lori Hoxha

Njësoj si Kim Kardashian, Lori Hoxha është një nga personazhet e famshëm Shqipëtar që ka ndjekur dietën Atkins. Lori Hoxha, përmes postimeve të saj në Instagram, ndau hapur eksperiencën e saj me Dietën Atkins, një dietë e njohur dhe me ndikim në humbjen e peshës. 

Në Instagramin e saj, ajo vuri në pah parimet thelbësore të dietës, duke theksuar eliminimin e plotë të karbohidrateve dhe sheqernave duke i zëvendësuar ato me alternativa të pasura me proteina dhe yndyra. 

Dieta Atkins, e njohur për fokusin e saj në ushqimet e pasura me proteina si mishi, djathi dhe vezët, së bashku me marrjen e reduktuar të karbohidrateve, ka fituar shumë popullaritet kohët e fundit.

Dieta Keto

Dieta ketogjenike, e njohur edhe si dieta keto, është një plan ushqimor me pak karbohidrate dhe yndyrë të lartë i krijuar për të nxitur një gjendje metabolike të quajtur ketozë në trup. Në këtë gjendje, trupi e zhvendos burimin e tij primar të energjisë nga glukoza (që rrjedh nga karbohidratet) në ketone (të prodhuara nga shpërbërja e yndyrave).

Dieta zakonisht konsiston në një reduktim të ndjeshëm të marrjes së karbohidrateve, duke i zëvendësuar ato me një konsum të shtuar të yndyrave dhe duke mbajtur një sasi të moderuar të proteinave.

Shpërndarja e makronutrientëve në një dietë standarde keto është afërsisht 70-75% e kalorive ditore nga yndyrat, 20-25% nga proteinat dhe vetëm 5-10% nga karbohidratet. Duke kufizuar rreptësisht marrjen e karbohidrateve, trupi i varfëron rezervat e tij të glikogjenit dhe fillon të zbërthejë yndyrnat në ketone për energji. Disa nga të personazhet e njohur që kanë ndjekur këtë dietë janë:

Khloe Kardashian

Khloe Kardashian ka përfshirë dietën Keto në rrugëtimin e saj të humbjes së peshës. Dieta Keto karakterizohet nga konsumi i ulët i karbohidrateve, duke u përqendruar në konsumin e lartë të yndyrave dhe proteinave të moderuara. 

Gjithashtu kjo dietë synon të shkaktojë gjendjen e ketozës, ku trupi djeg yndyrën për energji në vend të karbohidrateve. Përdorimi i kësaj diete nga Khloe reflekton një trend ndër individët që kërkojnë metoda efektive dhe personalizuara për të arritur qëllimet e tyre të shëndetit dhe fitnesit.

Arbana Osmani

Arbana Osmani ka bërë të ditur se ka ndjekur dietën keto, një plan ushqimor i cili përqëndrohet në konsumin e lartë të yndyrnave, proteinave të moderuara, dhe karbohidrateve të ulëta.

Emri “keto” vjen nga “ketogjenike”, dhe kjo dietë synon të çojë trupin në një gjendje të quajtur ketozë, duke e detyruar atë të përdorë yndyrën për energji në vend të sheqernave. Planifikimi i vaktit sipas kësaj diete rekomandon që 70% e kalorive të marrë ditore të vijnë nga yndyrnat, 20-25% nga proteinat, dhe 5-10% nga karbohidratet.

Halle Berry

Halle Berry ka ndjekur dietën keto për shumë vite dhe ka ndarë me ndjekësit e saj në Instagram rëndësinë e ushqimit në menaxhimin e diabetit të tipit 2, të cilin ajo e ka pasuar që kur ishte 19 vjeçe.

Edhe pse përdor fjalinë “dietë,” ajo e konsideron keto si një “ndryshim në stil të jetesës” dhe nxit ndjekësit e saj të mendojnë në këtë mënyrë. Berry shpreh se dieta keto ka luajtur një rol kyç në ngadalësimin e procesit të plakjes, zvogëlimin e barkut pas shtatzënisë, kontrollin e oreksit, dhe rritjen e energjisë dhe performancës mendore. Aktorja 51-vjeçare gjithashtu thekson se ka ndihmuar në përmirësimin e rezistencës fizike dhe gjendjes së lëkurës së saj.

Kourtney Kardashian

Kourtney Kardashian është një mbështetëse e madhe e dietës keto dhe e ka lavdëruar këtë plan ushqimi shpesh herë në aplikacionin e saj. Ajo ha shumë perime të freskëta dhe proteina të ulëta dhe shmang ushqimet e pasura me karbohidrate si makarona, oriz, dhe fasule. 

Dieta Mesdhetare

Dieta mesdhetare është një model diete e frymëzuar nga zakonet tradicionale të të ngrënit të vendeve që rrethojnë Detin Mesdhe, si Greqia, Italia dhe Spanja. Ndryshe nga dietat konvencionale me rregulla strikte, është më shumë një parim i të ushqyerit që sillet rreth kuzhinës së përgjithshme të këtyre rajoneve. 

Dieta thekson një shumëllojshmëri ushqimesh të plota, duke përfshirë frutat, perimet, arra, bishtajore, vaj ulliri dhe proteina pa yndyrë si peshku dhe shpendët. Është i njohur për përfitimet e tij të mundshme shëndetësore, duke përfshirë shëndetin e zemrës dhe mirëqenien e përgjithshme. 

Dieta mesdhetare inkurajon gjithashtu një konsum të moderuar të verës së kuqe dhe promovon një mënyrë jetese që përfshin aktivitet të rregullt fizik. Disa nga personazhet e njohur që ndjekin këtë dietë janë:

Penélope Cruz 

Penélope Cruz ndjek dietën mesdhetare, e cila përputhet me traditat kulinare të vendlindjes së saj, Spanjës. Duke shprehur dashurinë për ushqimin spanjoll, Cruz thekson rëndësinë e mbajtjes së një diete të shëndetshme.

 Në një intervistë me The Mirror, ajo përshkroi dietën e saj si dietën mesdhetare, e cila dallon për zgjedhjet e shëndetshme dhe ushqimin e mirë. Cruz është e kujdesshme me konsumin e saj, duke evituar qumështin, sheqerin dhe glutenin për shkak të intolerancës. 

Dieta e saj përfshin kryesisht fruta, perime dhe proteina cilësore nga kafshët. Duke shtuar këtu gjithashtu rëndësinë e mbajtjes së trupit të hidratuar duke pirë ujë mjaftueshëm dhe reduktimin e konsumit të alkoolit dhe evitimin e duhanit prej vitesh.

Selena Gomez

Këngëtarja dhe aktorja amerikane Selena Gomez ka qenë transparente në lidhje me luftën e saj me sëmundjen autoimune lupus dhe luhatjet e lidhura me peshën. Raportet sugjerojnë se ajo e menaxhoi peshën e saj duke adoptuar një dietë të frymëzuar nga Mesdhetare, duke përfshirë ushqime si peshk i pjekur në skarë, sallata me perime dhe tasa me quinoa.

Catherine Zeta-Jones

Catherine Zeta-Jones ia atribuon humbjen e peshës dhe figurës së saj përfekte dietës Mesdhetare, një regjim që ajo ndjek së bashku me bashkëshortin e saj aktorin Michael Douglas.

Ajo preferon të ndjekë këshilla të thjeshta të planifikimit të vakteve, dhe dieta e saj është e pasur me sallatë greke dhe fruta. Gjithashtu ajo mundohet të minimizojë konsumin e ushqimeve të përpunuara dhe me kalori të larta.

Dieta Detox Juice

Kjo dietë përfshin pirjen e vetëm lëngjeve të frutave ose perimeve për një kohë të caktuar, që zakonisht varion nga një deri në pesë ditë, në varësi të qëllimit. Lëngjet zakonisht shtypen, që do të thotë se tuli është i ndarë nga lëngu. 

Më e rëndësishmja, gjatë pastrimit të lëngjeve, ju eliminoni sheqerin, kafeinën, ushqimet e rafinuara dhe substanca të tjera nga dieta juaj. Dieta detox juice është shumë e mirë për ti dhënë trupit tuaj “restart” nëse e keni tepruar. Në këtë mënyrë ju jeni në gjendje të rrisni metabolizmin tuaj dhe të largoni toksinat lehtësisht. 

Me gjithë përmbajtjen e tyre ushqyese, ato ofrojnë energji të mjaftueshme gjatë gjithë ditës. Gjithashtu ju nuk do të ndjeni nevojën të konsumoni ushqime të pashëndetshme.

Beyonce

Beyonce e popullarizoi trendin e pastrimit të trupit me dietën Detox Juice duke hequr 20 kilogramë në dy javë për rolin e saj në Dreamgirls. Kjo dietë ka marrë vëmendjen e Hollyëoodit që nga viti 2006 si një mënyrë popullore për të humbur peshë shpejt u zhvillua nga Stanley Burroughs në vitin 1941 si një regjim diete për të hequr toksinat nga trupi.

Jennifer Aniston

Jennifer Aniston ka ndarë një prej sekreteve të saj për trupin e tonifikuar, dhe ky sekret është Smoothie ëonder Saturday. Ky smoothie është i mbushur me spinaq, hudhër, panxhar, zarzavate organike, tranguj, lakër jeshile dhe selino. 

Kjo përmbajtje e pasur me perime dhe yndyrna të shëndetshme mund të jetë një pjesë e rëndësishme e rutinës së saj të ushqyerjes, duke kontribuar në mbajtjen e një diete të balancuar dhe shëndetshme.

Në Përfundim

Përmbledhja e dieteve të ndjekura nga VIP-at për humbje peshe ofron një shtrirje të gjerë të mundësive, duke përfshirë Dietën Detox Juice, Dietën Premium dhe Dietën Ketogjenike tw cilat ofrohen tek FitFood. 

Për ata që dëshirojnë të ndjekin shembujt e personaliteteve të njohura, Dieta Detox Juice sjell një përqasje të shëndetshme me lëngje të freskëta cold-pressed, e cila mund të ndihmojë në pastrimin e organizmit nga toksinat dhe yndyrnat e tepërta. 

Në anën tjetër, Dieta Premium ofron një menu mesdhetare me produkte cilësore, duke kombinuar në mënyrë të shëndetshme proteina, karbohidrate dhe perime.

Për ata që preferojnë një qasje tjetër, Dieta Ketogjenike ofron një alternativë me sasi të ulëta karbohidratash dhe një fokus në yndyrna, duke ndihmuar trupin të përdorë yndyrën për energji. 

Këto dieta përshtaten për një gamë të gjerë nevojash, duke përfshirë individë me probleme të gjendrës tiroide, probleme nervore ose çështje me zorrën. Për të zgjedhur dietën e përshtatshme pwr ju, është e rëndësishme tw konsultoheni me njw nga profesionistwt e FitFood dhe ata do ju rekomandojnw sw cila wshtw e duhura pwr ju dhe nevojat tuaja.